როგორ ავიღოთ ე.წ Skilled worker Visa და რა სავიზო პროცედურებს მოიცავს ის დიდ ბრიტანეთში

დიდ ბრიტანეთში საცხოვრებელად/სამუშაოდ წასვლის წინ აუცილებელია მივიღოთ სრულყოფილი ინფორმაცია და სწორად განვსაზღვროთ მიზანი და ჩვენი შესაძლებლობები.
ჩვენ ეტაპობრივად შევეცდებით მოგაწოდოთ ინფორმაცია, სხვადასხვა სავიზო მომსახურებებთან დაკავშირებით. ახლა კი გაგაცნობთ ე.წ Skilled Worker visa პროცედურებს და შესაძლებლობებს.

დიდ ბრიტანეთში აღნიშნული სავიზო სქემა შექმნილია იმისათვის, რომ სხვა ქვეყნებიდან დიდ ბრიტანეთში, მოხდეს კვალიფიციური მომუშავე პერსონალის შემოყვანა და დასაქმება. აღნიშნული პროცესი ხელს უწყობს შრომის ბაზრის გაუმჯობესებას, ამასთან ეხმარება ხალხს მიიღონ მუდმივი ცხოვრების ნებართვა 5 წლის შემდეგ დიდ ბრიტანეთში. აღნიშნული ვიზის აღება შესაძლებელია თუ კონკრეტულ პიროვნებას შეთავაზება აქვს დიდ ბრიტანეთში არსებული სპეციალური ლიცენზიის მქონე კომპანიისგან, შემდგომში ვიზის ჩანაცვლება კი შესაძლებელია Tier 2 ვიზით, რომელიც გაძლევთ მუშაობის უფლებას დიდ ბრიტანეთში.

იმისათვის, რომ შეძლოთ ვიზით სარგებლობა, საჭიროა საელჩოში დააგროვოთ 70 ქულა.
სქემა კი მუშაობს შემდეგნაირად:

• ყველა მიგრანტს ეძლევა 50 ქულა, რომლიც ენიჭება:
• ინგლისური ენის ცოდნის დონე (აუცილებელია ენის სერტიფიკატი: B1 დონის დამადასტურებელი საერთაშორისო სერტიფიკატი) 10 ქულა
• სპონსორისგან/დამსაქმებლისგან დამტკიცებული სამუშაო შეთავაზება 20 ქულა
• შესაბამისი დამადასტურებელი კვალიფიკაცია სამუშაოსთვის 20 ქულა
• თუ შემოთავაზებული სამსახური გთავაზობთ ხელფასს მინიმუმ 25 600 ფუნტ სტერლინგს წელიწადში, განმცხადებელს ენიჭება დამატებით 20 ქულა, რომელიც განაპირობებს, სრულყოფილი 70 ქულის დაგროვებას.

სავიზო სერთიფიკატი სპონსორობის/დასაქმების შესახებ

დამსაქმებლის მიერ გაცემული სამუშაო შეთავაზების შესახებ სერტიფიკატი უნდა შეიცავდეს გარკვეულ სავალდებულო ინფორმაციას:

• აპლიკანტის სახელსა და გვარს, სამუშაოს დასახელებას და ხელფასის ოდენობას;
  სამუშაოს დაწყების თარიღს, თარიღი უნდა იყოს განმცხადებლის საელჩოში შესვლიდან არაუმეტეს 3 თვის შემდგომი პერიოდი;
• დასტურს, რომ ეს სერტიფიკატი აქამდე არ გამოყენებულა ვიზის მიღების პროცედურებში.

ვიზის აღებასთან დაკავშირებული ფინანსური საკითხები:

ვიზის მიღების დროს საფასური განსხვავდება განმცხადებლის ადგილმდებარეობის მიხედვით. თუ განმცხადებელი ვიზაზე განაცხადს აკეთებს 3წლამდე ვადით და იმყოფება დიდი ბრიტანეთში საფასური შეადგებს 704 ფუნტ სტერლინგს, ხოლო იმ შემთხვევაში თუ განმცხადებელი არ იმყოფება ბრიტანეთში და განაცხადს აკეთებს სხვა ქვეყნიდან ბრიტანეთში წასვლასთან დაკავშირებით საფასური 610 ფუნტია. დეტალური ინფორმაციისთვის შესაძლებლობა გაქვთ ისარგებლოთ ბრიტანეთის მთავრობის ვებ გვერდით, სადაც მოცემულია დეტალური ინფორმაცია ვიზასთან დაკავშირებით.
ამისთვის შეგიძლიათ გამოიყენოთ Lawlex Solicitors-ის ონლაინ კონსულტაციის მომსახურება და მიიღოთ რჩევები თქვენი მოთხოვნების შესაბამისად.

იმედია აღნიშნული ბლოგი გამოგადგებათ პრაქტიკაში, თუმცა კვალიფიციური იურისტის დახმარებით გაცილებით გაგიმარტივდებათ დაგეგმოთ თქვენი სამომავლო ცხოვრება დიდ ბრიტანეთში.
ჩვენი იურისტები/Solicitors მზად არიან დაგემხარონ, ნებისმიერი იურიდიული საკითხის მოგვარებაში, მათ აქვთ დიდი გამოცდილება სასამართო პროცესების მართვაში და იცნობენ ბოლო განახლებულ კანონებს, რაც დამატებითი უპირატესობაა თქვენთვის. თუ გჭირდებათ დეტალური გარკვევა პროცესებში, ჩანიშნეთ კონსულტაცია ჩვენს იურისტთან. ამის შესაძლებლობა გაქვთ, როგორც ონლაინ, ასევე ოფლაინ.